Tho kirk bell shapit an shuik bi wund,
the blawort flour i seilence jowes:
tae God’s observance fails tae caa
ocht floral congregations
The ten commandiments neglecks,
the seiven sacraments forby,
taks tent nae sermons, niver prays,
nor offers ocht oblations
Yit see the blawort flour dae guid,
wi seed hae sum eternal life;
hou weel daes mankynd’s faith compare
tae sic a flour’s probation?
Copyright © Hamish Scott 2015
Hamish Scott was born in Edinburgh in 1960 and now lives in Tranent on the outskirts of the city. His latest collection of poetry in Scots – Wirds for the day – was published in March 2015.